IFIAR-მა ახალი კვლევის შესახებ ანგარიში გამოაქვეყნა

მდგრადი და მაღალი ხარისხის აუდიტი სანდო ფინანსური ანგარიშგების მნიშვნელოვანი შემადგენელი ნაწილია. ის ფინანსური სისტემის სწორად ფუნქციონირებას უწყობს ხელს.

2019 წელს, IFIAR-მა „აუდიტორული ბაზრების საერთაშორისო მნიშვნელობის განვითარების სამუშაო ჯგუფი“ დააარსა IFIAR-ის წევრ იურისდიქციებზე მონიტორინგის გაწევის მიზნით. ჯგუფი საზოგადოებრივი დაინტერესების პირების აუდიტის შესაბამის განვითარებაზე აკეთებს აქცენტს.

2020 წლის დასაწყისში სამუშაო ჯგუფმა IFIAR-ის წევრებს შორის ვრცელი გამოკითხვა ჩაატარა. IFIAR-ის 50 წევრისგან მიღებული პასუხები აუდიტის პოლიტიკის ხუთ საკითხს შეეხება: აუდიტორის დანიშვნა და აუდიტორად ყოფნის ვადა, ერთობლივი აუდიტი, აუდიტორული და არააუდიტორული მომსახურების შეთავსება, აუდიტთან დაკავშირებული ინფორმაციის გამჭვირვალობა და აუდიტორული ფირმების მმართველობა და კულტურა.

IFIAR-ის წევრების გამოკითხვის პასუხების შესაბამისად გამოცემული ანგარიში ამ დაკვირვებებს აჯამებს და, სხვა საკითხებთან ერთად, ხაზს უსვამს ძირითად ფაქტებსა და მონაცემებს, რეგულაციებისა და მოთხოვნების ანალიზს და სხვადასხვა იურისდიქციაში განხორციელებულ ღონისძიებებს.

აუდიტორული საქმიანობით დაინტერესებულმა მხარეებმა შეიძლება სარგებელი მიიღონ იურისდიქციაში განხორციელებულ ღონისძიებებსა და აუდიტის ხარისხს შორის ურთიერთკავშირის და მათი გავლენის უკეთ შესწავლით. ამის შესახებ მყარი წარმოდგენის შესაქმნელად, დაინტერესებულ მხარეებს IFIAR-ის წევრების პრაქტიკების მიმოხილვა დაეხმარება.