„აუდიტის სფეროს განვითარების აქტუალური საკითხები: პროფესიის მომავალი“ - უკრაინაში საერთაშორისო კონფერენცია გაიმართა

24 ნოემბერს, უკრაინის აუდიტორული საქმიანობის საჯარო საზედამხედველო ორგანომ და აუდიტორთა პალატამ საერთაშორისო ვირტუალური კონფერენცია გამართეს, თემაზე: „აუდიტის სფეროს განვითარების აქტუალური საკითხები: პროფესიის მომავალი“.  

კონფერენცია აუდიტის სფეროს სამომავლო პერსპექტივებისა და გამოწვევების მიმოხილვას დაეთმო. პრეზენტატორებმა აუდიტის რეგულირების ტენდენციებზე, უკრაინის აუდიტის სფეროს რეფორმასა და მოსალოდნელ ცვლილებებზე ისაუბრეს.

საქართველოს ანგარიშგება-აუდიტის რეფორმისადმი დიდი ინტერესიდან გამომდინარე, კონფერენციაზე ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის წარმომადგენელიც მიიწვიეს, რომელმაც თავის გამოსვლაში ყურადღება შემდეგ საკითხებზე გაამახვილა: რეფორმის მიმდინარე შედეგები, ზედამხედველობის სამსახურის და პროფესიული ორგანიზაციების როლები, ასევე ორი ქვეყნის საზედამხედველო ორგანოს შორის თანამშრომლობის მნიშვნელობა.