„საუკეთესო წლიური ანგარიშის და გამჭვირვალობის ჯილდოს“ გადაცემის საზეიმო ცერემონია გაიმართა

ბუღალტრული აღრიცხვის, აუდიტის და ანგარიშგების რეფორმების მხარდაჭერის ეროვნულმა ფონდმა (RSF), ევროკავშირის და მსოფლიო ბანკის ფინანსური ჩართულობის და ანგარიშვალდებულების ერთობლივი პროექტის ხელშეწყობით, 17 დეკემბერს „საუკეთესო წლიური ანგარიშის და გამჭვირვალობის ჯილდოს“ გადაცემის საზეიმო ცერემონია გამართა. 

აღნიშნული წლიური ჯილდოს მიზანია ანგარიშგების ახალ რეგულაციებთან შესაბამისობის ხელშეწყობა, კომპანიებს შორის ჯანსაღი კონკურენციის წახალისება და კორპორაციული ანგარიშგების საერთო სტანდარტის ამაღლება ინვესტორთა ნდობის მოსაპოვებლად, როგორც ადგილობრივ, ისე საერთაშორისო დონეზე.

დაჯილდოების ცერემონიაზე 16 ნომინანტი კომპანია იყო წარმოდგენილი. გამარჯვებული საწარმოები კომპეტენტურმა საერთაშორისო ჟიურიმ გამოავლინა. სამ კატეგორიაში გამოცხადებული გამარჯვებული კომპანიები არიან: 

მსხვილი ფინანსური ინსტიტუტები – სს „თიბისი ბანკი“
მსხვილი არაფინანსური ინსტიტუტები – სს „თელასი“
მცირე კომპანიები – შპს „საქართველოს სალიზინგო კომპანია“
საპატიო ჯილდო – სს „კრისტალი“

წელს კონკურსში მონაწილეობდნენ მხოლოდ საქართველოს საფონდო ბირჟაზე სავაჭროდ დაშვებული კომპანიები. 2020 წელს და მომდევნო პერიოდში კი კონკურსის ფარგლები გაფართოვდება. 

ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახური მიესალმება ამ წამოწყებას და მომავალშიც გააგრძელებს ღონისძიების პარტნიორობას. 

დამატებითი ინფორმაციის მისაღებად საუკეთესო წლიური ანგარიშის და გამჭვირვალობის ჯილდოს შესახებ ეწვიეთ ოფიციალურ ვებგვერდს. პრესრელიზის სანახავად ეწვიეთ ბმულს