ფოთში IV კატეგორიის საწარმოებისთვის განკუთვნილი ფინანსური ანგარიშგების სტანდარტის შესახებ სამუშაო შეხვედრა გაიმართა

25 აპრილს, ფოთში ფინანსთა სამინისტროს ბუღალტრული აღრიცხვის, ანგარიშგების და აუდიტის ზედამხედველობის სამსახურმა IV კატეგორიის საწარმოებისთვის განკუთვნილი გამარტივებული ფინანსური ანგარიშგების სტანდარტისა და ბრიტანეთის მთავრობის მიერ დაფინანსებული მისი დანერგვის ხელშეწყობის პროექტის შესახებ სამუშაო შეხვედრა გამართა. ღონისძიების მთავარი მიზანი აუდიტორიისთვის IV კატეგორიის საწარმოების ფინანსური ანგარიშგების ახალი სტანდარტის ძირითადი პრინციპების, საკანონმდებლო მოთხოვნების, ასევე რეფორმის მიმდინარეობის შესახებ ინფორმაციის გაცნობა იყო.

შეხვედრის ფარგლებში, სამსახურის წარმომადგენლებმა პროექტის შედეგად შემუშავებული სახელმძღვანელო – „IV კატეგორიის საწარმოების ფინანსური ანგარიშგების სტანდარტის და თვითსწვალების მასალები“ – წარადგინეს. ღონისძიების დასკვნითი ნაწილი დაეთმო აუდიტორიის მიერ დასმულ კითხვებზე პასუხის გაცემას.   

ფოთში გამართულ შეხვედრას 80-ზე მეტი დაინტრესებული ადამიანი დაესწრო, რომელთა შორის უმეტესად IV კატეგორიის საწარმოების ბუღალტრები იყვნენ.