„აუდიტორული ზედამხედველობა ევროკავშირში: სლოვენიის გამოცდილება“ - სამსახურის წარმომადგენლები CFRR-ის მიერ ორგანიზებულ ვებინარებს დაესწრნენ

8-10 ივნისს, მსოფლიო ბანკის ფინანსური ანგარიშგების რეფორმების ცენტრის ორგანიზებით (CFRR), STAREP-ის პროექტის ფარგლებში, სამდღიანი საერთაშორისო ვებინარი გაიმართა: „აუდიტორული ზედამხედველობა ევროკავშირში: სლოვენიის გამოცდილება“. 

ღონისძიება CFRR-ის ვებინარების სერიის ნაწილია. მისი მიზანი მონაწილეების ცოდნის გაღრმავებაა აუდიტის ხარისხის კონტროლის საკვანძო საკითხებისა და საზოგადო ზედამხედველობის კუთხით. 

ღონისძიებაზე აუდიტორიის წინაშე სლოვენიის აუდიტის ზედამხედველობის სააგენტოს წარმომადგენლები წარდგნენ, მოდერაციას კი CFRR-ის წარმომადგენლები ახორციელებდნენ. სამი დღის მანძილზე მომხსენებლებმა ისეთი საკითხები მიმოიხილეს, როგორიცაა აუდიტის ზედამხედველობის სისტემა სლოვენიაში, აუდიტორების რეგისტრაცია, პროფესიული განათლება,  ხარისხის ინსპექტირების რეგულაცია და მეთოდები, მოკვლევა და აღსრულების მექანიზმები, თანამშრომლობა სხვა ზედამხედველ ორგანოებთან.

შეხვედრებს, STAREP-ის პროექტის წევრი ქვეყნების წარმომადგენლების გარდა, ალბანეთის, ბოსნია-ჰერცეგოვინას, ყაზახეთის, კოსოვოს, ყირგიზეთის და სერბეთის წარმომადგენლები დაესწრნენ. თითოეული სესიის ბოლოს აუდიტორიას კითხვების დასმის საშუალება მიეცა. მათ კითხვებს ამომწურავად უპასუხეს სლოვენიელმა კოლეგებმა.