IFAC-მა და მსოფლიო ბანკმა ერთობლივი ღონისძიება გამართეს - ახალი ISQM-ები: ხარისხის მართვის დონის ამაღლება

2 ივნისს, IFAC-მა და IAASB-მა, მსოფლიო ბანკის ფინანსური ანგარიშგების რეფორმების ცენტრთან (CFRR) ერთად, ევროპისა და ცენტრალური აზიის ბუღალტერთა პროფესიულ ორგანიზაციებისა და სხვა დაინტერესებული მხარეებისთვის, ხარისხის მართვის ახალ საერთაშორისო სტანდარტებთან (ISQM) დაკავშირებით, ვებინარი გამართეს. 

ახალი ISQM-ების ძირითად ასპექტებზე ისაუბრეს და მსმენელთა კითხვებს უპასუხეს სიუ ელმონდმა (IAASB-ის საბჭოს წევრი და ხმსს 1-ის სამუშაო ჯგუფის წევრი) და ნატალი კლონარიდისმა (IAASB-ის დირექტორის მოადგილე). 

ღონისძიებას 81 ქვეყნიდან 800-მდე მონაწილე დაესწრო (საქართველოდან - 138). მსოფლიო ბანკის მოწვევით, ღონისძიებას STAREP-ის პროექტის ქვეყნების - სომხეთის, აზერბაიჯანის, მოლდოვის, ბელარუსის რესპუბლიკის და უკრაინის წარმომადგენლებიც დაესწრენენ.

იხილეთ ქართულ ენაზე თარგმნილი პრეზენტაცია.

ვებინარის ვიდეოჩანაწერი განთავსებულია სამსახურის YouTube არხზე.