მცირე და საშუალო აუდიტორული ფირმების მომავალი: ქსელები, შერწყმა და შთანთქმა - მსოფლიო ბანკმა მეოთხე ვებინარი გამართა

27 მაისს, მსოფლიო ბანკმა, ევროკავშირისა და მსოფლიო ბანკის ერთობლივი ფინანსური ჩართულობისა და ანგარიშვალდებულების პროექტის ფარგლებში, მცირე და საშუალო აუდიტორული ფირმებისთვის მორიგი ვებინარი გამართა: „მცირე და საშუალო აუდიტორული ფირმების მომავალი: ქსელები, შერწყმა და შთანთქმა“

მეოთხე მოდულში, პოლ თომფსონმა (მცირე და საშუალო ზომის საწარმოთა ბუღალტერთა და აუდიტორთა ევროპული ფედერაციის დირექტორი და მსოფლიო ბანკის კონსულტანტი) და მოწვეულმა მომხსენებელმა, Auren-ის საერთაშორისო თავმჯდომარემ, ანტონი გომესმა განიხილეს ქსელების, ასოციაციების, შერწყმის და შთანთქმის გამოყენება მცირე პრაქტიკის ზრდის ხელშესაწყობად და ჩანაცვლების დასაგეგმად. მონაწილეებმა ასევე შეიტყვეს თუ რა რესურსებია ხელმისაწვდომი მათ დასახმარებლად IFAC-ის მიერ მცირე და საშუალო პრაქტიკის მქონე ფირმებისთვის შემუშავებული მართვის სახელმძღვანელოს მე -2 მოდულის მიხედვით: პრაქტიკის მოდელები, გაერთიანებები და ქსელები.  

ვინაიდან აღნიშნული საკითხი არა მხოლოდ საქართველოში არსებული მცირე და საშუალო აუდიტორული ფირმებისთვისაა აქტუალური, მსოფლიო ბანკის მოწვევით, ღონისძიებას STAREP-ის პროექტის ქვეყნების - სომხეთის, აზერბაიჯანის, მოლდოვის, ბელარუსის რესპუბლიკის და უკრაინის წარმომადგენლებიც დაესწრნენ.

ვებინარზე დასწრება შეიძლება ჩაითვალოს არაშემოწმებად განგრძობით განათლებად.

ღონისძიებას 122 ადამიანი დაესწრო.

იხილეთ პრეზენტაცია.

ვებინარის ვიდეოჩანაწერი განთავსებულია სამსახურის YouTube არხზე.

 

მსოფლიო ბანკის ვებინარების სერია კვლავ გაგრძელდება. შემდგომი შეხვედრა სამსახურის ვებგვერდსა და სოციალურ ქსელებში დაანონსდება.