ანგარიშგების წარდგენის პროცესი გრძელდება! გთხოვთ, წარმოადგინოთ ანგარიშგება დაუყოვნებლივ, ანგარიშგების ხელმისაწვდომობისთანავე

მცირე და საშუალო აუდიტორული ფირმების მომავალი: ბიზნესის დივერსიფიკაცია ახალი სერვისების შეთავაზების საშუალებით - მსოფლიო ბანკმა ვებინარი გამართა

 

15 აპრილს, მსოფლიო ბანკმა, ევროკავშირისა და მსოფლიო ბანკის ერთობლივი ფინანსური ჩართულობისა და ანგარიშვალდებულების პროექტის ფარგლებში, მცირე და საშუალო აუდიტორული ფირმებისთვის მორიგი ვებინარი გამართა: „მცირე და საშუალო აუდიტორული ფირმების მომავალი: ბიზნესის დივერსიფიკაცია ახალი სერვისების შეთავაზების საშუალებით“

ვებინარზე მსმენელები გაეცნენ, თუ რატომ სჭირდებათ მცირე და საშუალო აუდიტორულ ფირმებს ახალი და გაუმჯობესებული სერვისების შეთავაზება და რა შესაძლო სერვისების შეთავაზება შეუძლიათ დამკვეთებისთვის (მათ შორის, ბიზნეს საკონსულტაციო); ისინი ასევე გაეცნენ ამ ახალი სერვისების პოპულარიზაციის, მიწოდებისა და მათგან მოგების მისაღებად საჭირო შესაძლებლობების განვითარების ეტაპობრივ პროცესს.

ვებინარის წამყვანი კვლავ მცირე და საშუალო ზომის საწარმოთა ბუღალტერთა და აუდიტორთა ევროპული ფედერაციის (EFAA) დირექტორი და მსოფლიო ბანკის კონსულტანტი პოლ თომფსონი გახლდათ; ხოლო მოწვეული სტუმრები იყვნენ: ACCA–ს მცირე და საშუალო ბიზნესის პროფესიული კვლევების ხელმძღვანელი ალექსანდრა ზარონინა და ACCA–ს საბერძნეთის მრჩეველთა კომიტეტის თავმჯდომარე, Quantum BITS-ის ბუღალტრული აღრიცხვის დირექტორი და თანადამფუძნებელი ანასტასია ხალკიდუ.

ვინაიდან აღნიშნული საკითხი არა მხოლოდ საქართველოში არსებული მცირე და საშუალო აუდიტორული ფირმებისთვისაა აქტუალური, მსოფლიო ბანკის მოწვევით, ღონისძიებას STAREP-ის პროექტის ქვეყნების - სომხეთის, აზერბაიჯანის, მოლდოვის, ბელარუსის რესპუბლიკის და უკრაინის წარმომადგენლებიც დაესწრნენ.

ღონისძიებას 136 ადამიანი დაესწრო.

აღსანიშნია, რომ სერტიფიცირებულ ბუღალტრებს შეუძლიათ არაშემოწმებად განგრძობით განათლებად ჩაითვალონ ვებინარზე დასწრება.

იხილეთ პრეზენტაცია. 

ვებინარის ვიდეოჩანაწერი განთავსებულია სამსახურის YouTube არხზე. 

მსოფლიო ბანკის ვებინარების სერია კვლავ გაგრძელდება. შემდგომი შეხვედრა სამსახურის ვებგვერდსა და სოციალურ ქსელებში დაანონსდება.