ანგარიშგების წარდგენის პროცესი გრძელდება! გთხოვთ, წარმოადგინოთ ანგარიშგება დაუყოვნებლივ, ანგარიშგების ხელმისაწვდომობისთანავე

სამსახურთან არსებული საბჭოს შემადგენლობას პანაიოტის იანოპულოსი შეემატა

18 მარტს, ბუღალტრული აღრიცხვის, ანგარიშგებისა და აუდიტის საბჭოს შემადგენლობაში ცვლილება შევიდა. კერძოდ, საბჭოს მოწვეულ წევრთა სიას პანაიოტის იანოპულოსი შეემატა.

ბატონი იანოპულოსი საბერძნეთის ფინანსური აღრიცხვისა და აუდიტის სტანდარტების ზედამხედველობის საბჭოს (HAASOB) დირექტორთა საბჭოს თავმჯდომარის მოადგილე, ხარისხის კონტროლის საბჭოს თავმჯდომარე, აუდიტის დამოუკიდებელ საზედამხედველო ორგანოთა საერთაშორისო ფორუმის (IFIAR) საბჭოს წევრი, ევროპის აუდიტის საზედამხედველო ორგანოთა კომიტეტის (CEAOB) წევრი გახლავთ. 

შეგახსენებთ, რომ სამსახურსა და პანაიოტის იანოპულოსს შორის თანამშრომლობა ევროკავშირის თვინინგის პროექტის - “ფინანსური აღრიცხვის და აუდიტის ხარისხის ამაღლება საქართველოში” - ფარგლებში დაიწყო, რის შედეგადაც მრავალი მნიშვნელოვანი პროექტი განხორციელდა.