„მცირე და საშუალო აუდიტორული ფირმების მომავალი: ციფრული ტრანსფორმაცია“ - მსოფლიო ბანკმა მორიგი ღონისძიება გამართა

4 მარტს, მსოფლიო ბანკმა, ევროკავშირისა და მსოფლიო ბანკის ერთობლივი ფინანსური ჩართულობისა და ანგარიშვალდებულების პროექტის ფარგლებში, ონლაინ ღონისძიება გამართა მცირე და საშუალო აუდიტორული ფირმებისთვის, თემაზე: „მცირე და საშუალო აუდიტორული ფირმების მომავალი: ციფრული ტრანსფორმაცია“.

შეხვედრა მსოფლიო ბანკის მიერ 2020 წელს წამოწყებული ვებინარების სერიის ნაწილია. სერია მსოფლიო ბანკმა მცირე და საშუალო აუდიტორული ფირმების (SMPs) მხარდასაჭერად შეიმუშავა, რათა ფირმებს პანდემიის პირობებში შესაძლებლობების განვითარებაში გაუწიოს დახმარება. 

ვინაიდან აღნიშნული საკითხი არა მხოლოდ საქართველოში არსებული მცირე და საშუალო აუდიტორული ფირმებისთვისაა აქტუალური, მსოფლიო ბანკის მოწვევით, ღონისძიებას STAREP-ის პროექტის ქვეყნების - სომხეთის, აზერბაიჯანის, მოლდოვის, ბელარუსის რესპუბლიკის და უკრაინის წარმომადგენლებიც დაესწრნენ. 

ვებინარის წამყვანი კვლავ მცირე და საშუალო ზომის საწარმოთა ბუღალტერთა და აუდიტორთა ევროპული ფედერაციის (EFAA) დირექტორი და მსოფლიო ბანკის კონსულტანტი პოლ თომფსონი იყო; მოწვეული მომხსენებელი კი - ახალი ტექნოლოგიების და დარგთაშორისი ინოვაციების სფეროს მრჩეველი და EFAA-ის ციფრული სამუშაო ჯგუფის თავმჯდომარე, მარტინ დერ ბი. შეხვედრაზე მათ განმარტეს, თუ რატომ უნდა გამოიყენონ მცირე და საშუალო აუდიტორულმა ფირმებმა ციფრული გარდაქმნა და შეიძინონ ასეთი ტრანსფორმაციისთვის საჭირო ცნობიერება, უნარები და ინსტრუმენტები. მონაწილეები, ასევე, ციფრულ ტრანსფორმაციაში დამხმარე ინსტრუმენტებს და იმ ფირმების გამოცდილებას გაეცნენ, რომლებმაც უკვე განახორციელეს ასეთი გარდაქმნა.

ღონისძიებას 160 ადამიანი დაესწრო.

აღსანიშნია, რომ სერტიფიცირებულ ბუღალტრებს შეუძლიათ არაშემოწმებად განგრძობით განათლებად ჩაითვალონ ვებინარზე დასწრება.

იხილეთ პრეზენტაცია. 

ვებინარის ვიდეოჩანაწერი განთავსებულია სამსახურის YouTube არხზე. 

მსოფლიო ბანკის ვებინარების სერია კვლავ გაგრძელდება. შემდგომი შეხვედრა სამსახურის ვებგვერდსა და სოციალურ ქსელებში დაანონსდება.