„ფინანსური გამჭვირვალობის შედეგები | კორპორაციული სექტორის კვლევის საშუალებები“ - სამსახური რეფორმის სარგებლის დემონსტრირებისთვის ღონისძიებას გამართავს

საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახური, ევროკავშირის და მსოფლიო ბანკის ფინანსური ჩართულობის და ანგარიშვალდებულების ერთობლივი პროექტის, საქართველოს ეროვნული ბანკისა და ფინანსთა სამინისტროს მხარდაჭერით, 2020 წლის 15 ივლისს ონლაინ ღონისძიებას გამართავს, თემაზე:

„ფინანსური გამჭვირვალობის შედეგები | კორპორაციული სექტორის კვლევის საშუალებები“

ღონისძიება ფინანსური გამჭვირვალობის უკვე მიღწეული და მოსალოდნელი სარგებლის დემონსტრირებას ისახავს მიზნად. მომსხსენებლები აუდიტორიას სამსახურის საინფორმაციო რესურსებზე დაყრდნობით, სხვადასხვა მიმართულებით ჩატარებული კვლევების შედეგებს წარუდგენენ. კერძოდ, ისინი ეკონომიკის სხვადასხვა სფეროს ჭრილში მნიშვნელოვანი ფინანსური და არაფინანსური მონაცემების გამოყენებაზე და ასევე საუკეთესო პრაქტიკაზე ისაუბრებენ.

ღონისძიებას  ყველა დაინტერესებული მხარე  - სახელმწიფო უწყებების, აკადემიური წრეების, ბიზნეს ასოციაციების, კაპიტალის და ფინანსური სექტორის წარმომადგენლები დაესწრებიან. 

ღონისძიება ონლაინ პლატფორმა KUDO-ს გამოყენებით გაიმართება. დასასწრები ბმული სამსახურის სოციალურ ქსელში  განთავსდება.

იხილეთ ღონისძიების პრესრელიზი და დღის წესრიგი.