IFIAR-მა ინსპექტირების შედეგების ყოველწლიური კვლევის ამსახველი ანგარიში გამოაქვეყნა

2020 წლის 17 თებერვალს, აუდიტის დამოუკიდებელ საზედამხედველო ორგანოთა საერთაშორისო ფორუმმა (IFIAR)  ინსპექტირების შედეგების ყოველწლიური კვლევის ამსახველი ანგარიში გამოაქვეყნა. კვლევა წევრი ქვეყნების საზედამხედველო ორგანოების მიერ მომზადებულ იმ მონაცემებს ეფუძნება, რომელიც ექვსი უმხსვილესი გლობალური აუდიტორული ფირმის ქსელთან დაკავშირებულ აუდიტორულ ფირმებში განხოციელებული ინსპექტირების შედეგად იქნა მიღებული.

კვლევის ფარგლებში, IFIAR-მა ინსპექტირების ორ ძირითად მიმართულებასთან დაკავშირებული ინფორმაცია შეაგროვა: ხარისხის კონტროლის სისტემები და აუდიტორული გარიგებები. ხარისხის კონტროლის სისტემები აუდიტის სფეროს  საზედამხედველო სტრუქტურების და აუდიტორული ფირმის ინტერესის საგანია, რადგან სწორედ ეს სისტემები ქმნის ხარისხიანი აუდიტის განხორციელების საფუძველს. IFIAR-ის განცხადებით, წლევანდელ შედეგებში გაუმჯობესება შეინიშნება, კერძოდ, გამოვლენილი ფაქტების მიმართულებით ვარდნის ტენდენცია ცალსახაა. 

აღნიშნულ კვლევაში IFIAR-ის 49 წევრმა ქვეყანამ მიიღო მონაწილეობა, მათ შორის, საქართველომაც, ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მეშვეობით.

IFIAR-ი მაღალი ხარისხის აუდიტის დანერგვაზე ზრუნავს გლობალური მასშტაბით, რის მიღწევასაც წევრ ქვეყნებთან ერთად ცდილობს, უზრუნველყოფს რა მათ მაქსიმალურ ჩართულობას მნიშვნელოვან პროცესებში და უქმნის გამოცდილებისა და საუკეთესო პრაქტიკების გაზიარების შესაძლებლობებს.