ანგარიშგების წარდგენის პროცესი გრძელდება! გთხოვთ, წარმოადგინოთ ანგარიშგება დაუყოვნებლივ, ანგარიშგების ხელმისაწვდომობისთანავე

ხელი მოეწერა ურთიერთთანამშრომლობის მემორანდუმს საქართველოს ენერგეტიკისა და წყალმომარაგების მარეგულირებელ ეროვნულ კომისიასთან

საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურსა და საქართველოს ენერგეტიკისა და წყალმომარაგების მარეგულირებელ ეროვნულ კომისიას შორის ურთიერთთანამშრომლობის მემორანდუმი გაფორმდა. მხარეებს შორის თანამშრომლობა მიზნად ისახავს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით გათვალისწინებულ აუდიტორების/აუდიტორული ფირმების ხარისხის კონტროლის სისტემის მონიტორინგის განსახორციელებლად რისკების მართვის ხელშეწყობას.

მემორანდუმის საფუძველზე, მხარეები, თავიანთი კომპეტენციის ფარგლებში, უზრუნველყოფენ ბუღალტრული აღრიცხვის, ანგარიშგებისა და აუდიტის სფეროში გამოვლენილ შესაძლო დარღვევებთან დაკავშირებით ერთმანეთისათვის ინფორმაციის მიწოდებას, სფეროს მარეგულირებელი კანონმდებლობის სრულყოფის პროცესში მხარეების წარმომადგენელთა ჩართულობასა და სფეროში წარმოქმნილ დარღვევათა პრევენციის მიზნით  გასატარებელი ღონისძიებების ერთობლივ დაგეგმვას.