სამსახურის წარმომადგენლები აზერბაიჯანში გამართულ სამუშაო შეხვედრებს დაესწრნენ

საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის წარმომადგენლები 2018 წლის 8-9 ნოემბერს საქმიანი ვიზიტით იმყოფებოდნენ აზერბაიჯანში, ქ. ბაქოში. ვიზიტის ფარგლებში, ისინი აზერბაიჯანის აუდიტის საზედამხედველო სამსახურის (აზერბაიჯანის რესპუბლიკის აუდიტორთა პალატა) ორგანიზებით გამართულ სამუშაო შეხვედრებს დაესწრნენ.

შეხვედრები საქართველოსა და აზერბაიჯანში აუდიტსა და ანგარიშვალდებულებასთან დაკავშირებული აქტუალური საკითხების, მათ შორის, აუდიტორული მომსახურების ხარისხის კონტროლის საკითხის განხილვას ისახავდა მიზნად.