ანგარიშგების წარდგენის პროცესი გრძელდება! გთხოვთ, წარმოადგინოთ ანგარიშგება დაუყოვნებლივ, ანგარიშგების ხელმისაწვდომობისთანავე

სამსახურის წარმომადგენლები კორპორაციული სოციალური პასუხისმგებლობის კლუბის წევრების შეხვედრას დაესწრნენ

საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის წარმომადგენლები, 2018 წლის 26 სექტემბერს, კორპორაციული სოციალური პასუხისმგებლობის კლუბის (CSR Club) მიერ ინიცირებულ შეხვედრას დაესწრნენ, რომელიც საქართველოში კორპორაციული პასუხისმგებლობის განვითარების მნიშვნელობის მიმოხილვას ისახავდა მიზნად, როგორც საზოგადოების გაძლიერების, ასევე ბიზნესის განვითარების კუთხით. 

კლუბი არასამთავრობო ორგანიზაცია სამოქალაქო განვითარების სააგენტოს (სიდა) და კომპანია “ჯეპრა”-ს ინიციატივით, 2015 წლის 27 მაისს დაარსდა. მის მიზანს საქართველოში მდგრადი განვითარების ხელშეწყობა წარმოადგენს, კორპორაციული სოციალური პასუხისმგებლობის განვითარების გზით. დღესდღეობით კლუბი 80-მდე წევრს, ბიზნესის, არასამათავრობო სექტორის, საჯარო სტრუქტურებისა და აკადემიის წარმომადგენლებს აერთიანებს. 

სამსახურის წარმომადგენლები აუდიტორიის წინაშე პრეზენტაციით წარდგნენ და ანგარიშგების სფეროში მიმდინარე რეფორმაზე, სამომავლო გეგმებსა და რეფორმის მნიშვნელობაზე ისაუბრეს.