ICAEW-მა საქართველოში აზიის განვითარების ბანკის ტექნიკური მხარდაჭეროს პროგრამის განხორციელება დაიწყო

ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის  ინიციატივით, ინგლისისა და უელსის დიპლომირებულ ბუღალტერთა ინსტიტუტმა (ICAEW) აზიის განვითარების ბანკის მიერ დაფინანსებული რეგიონული ტექნიკური მხარდაჭერის პროგრამის ნაწილის განხორციელება დაიწყო. პროგრამის მიზანია საქართველოში რეგისტრირებული აუდიტორების და აუდიტორული ფირმების ხარისხის გაუმჯობესება. ინგლისისა და უელსის დიპლომირებულ ბუღალტერთა ინსტიტუტმა, პროგრამის ფარგლებში,  საქართველოს ბუღალტერთა და აუდიტორთა პროფესიულ ორგანიზაციებს საერთაშორისო სტანდარტებზე დაფუძნებული ბრიტანული აუდიტის მეთოდოლოგია გადასცა,  შემდგომში წევრ აუდიტორებსა და აუდიტორულ ფირმებში გავრცელების მიზნით.

პროგრამის ფარგლებში, დაგეგმილია აღნიშნული მეთოდოლოგიის ქართულ ენაზე თარგმნა და შესაბამისი ტრენინგების ჩატარება, როგორც ინგლისურენოვანი, ასევე ქართულენოვანი აუდიტორიებისთვის.

პროგრამას მხარს უჭერს მსოფლიო ბანკის ფინანსური ანგარიშგების რეფორმის ცენტრი (CFRR).