სამსახურის წარმომადგენლები სავაჭრო-სამრეწველო პალატის საბჭოს სხდომას დაესწრნენ

საქართველოს სავაჭრო-სამრეწველო პალატის ორგანიზებით, 2017 წლის 6 დეკემბერს, თბილისში, სასტუმრო „მილენიუმ ბილტმორში“ გაიმართა საქართველოს სავაჭრო-სამრეწველო პალატის საბჭოს სხდომა, რომელიც საქართველოს ფინანსთა მინისტრმა მამუკა ბახტაძემ და სავაჭრო-სამრეწველო პალატის პრეზიდენტმა ნინო ჩიქოვანმა გახსნეს.

სხდომას საქართველოს ფინანსთა სამინისტროს ბუღალტრული აღრიცხვის ანგარიშგებისა და აუდიტის ზედამხედველობის სამსახურის წარმომადგენლებიც დაესწრნენ და საზოგადოების წინაშე პრეზენტაციით წარდგნენ, რომელიც სამსახურის საქმიანობასა და აღრიცხვა-ანგარიშგების მიმდინარე რეფორმის მნიშვნელობას შეეხებოდა.