აუდიტორული ფირმებისა და საქმიანობის ინდივიდუალურად განმახორციელებელი აუდიტორების საყურადღებოდ

საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ოფიციალურ ვებ გვერდზე წარმოებულ რეესტრში 2017 წლის 1 იანვრამდე რეგისტრირებული აუდიტორული ფირმები და საქმიანობის ინდივიდუალურად განმახორციელებელი აუდიტორები, „ვებ-გვერდისა და რეესტრის ელექტრონული ფორმით წარმოების, მისი სტრუქტურის, ფორმის, მასში ასახული ინფორმაციის ნუსხისა და მომხმარებელთა იდენტიფიცირების წესი“-ს მე-13 მუხლის მე-2 და მე-3 პუნქტების თანახმად, ვალდებულნი არიან განაახლონ მონაცემები და წარადგინონ 2016 წელს მიღებულ შემოსავლებთან და თანამშრომელთა რაოდენობასთან დაკავშირებული ინფორმაცია, არაუგვიანეს 2017 წლის 1 ივლისისა. ზემოაღნიშნული ვალდებულების შეუსრულებლობა იწვევს კანონმდებლობით გათვალისწინებულ პასუხისმგებლობას.

აღნიშნული ინფორმაციიის განახლება უნდა მოხდეს ელექტრონულად, შემდეგი თანმიმდევრობით:

1.   ავტორიზაცია შესაბამისი ბმულის გამოყენებით:
          •   აუდიტორული ფირმა
          •   აუდიტორი, რომელიც საქმიანობას ახორციელებს ინდივიდუალურად

2.   2016 წელს მიღებულ შემოსავლებთან და თანამშრომელთა რაოდენობასთან დაკავშირებული ინფორმაციის ასახვა.